वार्ताः

विदेश-राज्य-मंत्री डॉक्‍टर राजकुमार-रंजन-सिंह: आसियान सचिवालयस्य आधिकारिक यात्रायाम् अद्य इंडोनेशिया देशस्य जकार्ता नगरम् गमिष्यति। डॉक्‍टर राजकुमार-रंजन-सिंहस्य आसियान सचिवालयस्य, इंडोनेशिया देशस्य च एषा प्रथमा यात्रा अस्ति। द्वि-दिवसीय-यात्रा अवसरे, आसियान-सचिवालयस्य कार्यक्रमान् अतिरिच्य, श्रीसिंह: इंडोनेशिया देशेन साकं द्विपक्षीय सम्बन्धान् सुदृढीकरणे अपि मन्त्रणां करिष्यति। श्रीसिंह: भारतीय-प्रवासि-जनैः साकमपि सम्भाषणम् आचरिष्यति। विदेश-राज्य-मन्त्री आसियान-भारत-वार्ता- सम्बन्धानां त्रिंशत्तमीं वर्षग्रन्थिमुपक्ष्य आसियानस्य महासचिवेन श्री लिम जॉक होई […]

राजमार्ग-परिवहन-मन्त्री नितिन-गडकरी दिल्ल्या: प्रतिवेशि-राज्येषु परालीति प्रज्वालनस्य कारणेन विशेषरूपेण शीतकाले वर्धिष्यमाण-वायु-प्रदूषण-विषये चिन्तां व्‍यक्तीकृतवान्। मुंबय्याम् एकस्मिन् आयोजने असौ प्रावोचत् यत् इंडियन ऑयल समवायेन हरियाणाया: पानीपत-मध्ये एक-लक्ष-लीटर मितस्य बायो-एथेनॉल इन्धनस्य, सार्ध-शत टन-मितस्य बायो-बिटुमेन इत्यस्य च दैनिकोत्पादन-क्षमता-युता परियोजना प्रारब्धा अस्ति। श्री गडकरी उदैरयत् यद् अनेन उत्पादनेन देश: ईंधनस्य विषये आत्मनिर्भर: भविष्यति। असौ उक्तवान् यत् ये कृषकाः परालीति ज्वालयन्त: सन्ति,

ऐषम: एशिया-चषकीय-क्रिकेट्-स्पर्धा-शृङ्खलायाः प्रारम्भ: ह्य: श्रीलंका-अफगानिस्तानयो: मध्ये क्रीडितेन द्वन्द्वेन सञ्जातः। यत्र अफगानिस्तान-देशेन एशिया-चषक-क्रिकेट्-स्पर्धा-शृङ्खलाया: प्रथमे द्वन्द्वे श्रीलंकादलं पराभूतम्। अफगानिस्तान-देशेन पूल-बी इति वर्गस्य द्वन्द्वे अष्ट-क्रीडकै: विजयम् अधिगम्य क्रिकेट्-स्पर्धा-शृङ्खलायाम् उत्कृष्ट: प्रारम्भ: कृत: अस्ति। ध्येयम् अस्ति यद् ऐदम्प्रथम्येन अफगानिस्तान-दलेन विंशतिं प्रतिविंशतिः क्रिकेट्-स्पर्धायां श्रीलंकादलं पराजेतुं साफल्यम् अधिगतम् अस्ति। प्रथमं क्रीडता श्रीलंका-दलेन पञ्चोत्तर-एकशतं धावनाङ्का: एव समर्जिता: आसन्। प्रत्युत्तरे अफगानिस्तानेन दश कन्दुक-क्षेप-चक्रेषु एव

क्रीडा-क्षेत्रे भारतस्य कृते मोदावहो विषयो वर्तते यत् टोक्यो ओलंपिक क्रीडा-स्पर्धानां स्वर्ण-पदक-विजेता नीरज-चोपड़ा लुसाने डायमंड लीग सम्मेलने दशमलवोत्तर शून्य अष्टाधिक-नवाशीति-मीटर-मितं दूरं यावत् सर्वश्रेष्ठ-भल्ल-क्षेपणेन साकम् एकम् अपरमपि स्वर्णिम-साफल्यम् अधिगतवान्। भल्लक्षेपणे नीरजस्य स्वर्णिम-साफल्यम् अपरत्र च भारतस्य कृते जूडो क्रीडायामपि प्रथमं स्वर्ण पदकम् आगतम्। महिलानां सप्त-पञ्चाशत्-किलोग्राम-भार-वर्गे कैडेट-विश्व-विजेतृ-स्पर्धायां स्वर्णपदकं विजित्य लिंथोई चनंबम इत्यनया इतिहास: विरचित:। कैडेट-विश्वविजेतृस्पर्धायां स्वर्णपदकम्

दिसम्बरस्य अष्टमे दिने नवदिल्लीस्थे विज्ञानभवने राष्ट्रपते: श्रीरामनाथकोविन्दस्य प्रचितानां भाषणानां सङ्ग्रह: ‘लोकतंत्र के स्वर’ अथ च ‘द रिपब्लिकन एथिक’ इत्याख्ययो: पुस्तकयो: लोकार्पणम् उपराष्ट्रपति: एम. वेंकैयानायडु: करिष्यति ।  सूचनाप्रसारणमन्त्रालयस्य प्रकाशनविभागेन पुस्तके प्रकाशिते स्त:। इदं पुस्तकद्वयं राष्ट्रपते: प्रथमवर्षस्य कार्यकालावधौ तस्य त्रिचत्वारिंशदुत्तर-द्वि-शत भाषणेभ्य: प्रचितानां पञ्चनवति भाषणानां सङ्ग्रहो विद्यते ।  पुस्तकद्वयमिदं  राष्ट्राय सम्बोधनम्, भारतस्य वैविध्यम्, विश्वस्य वातायनम्, शिक्षितभारतम्, सक्षमभारतम्, जनसेवाया: धर्म:, रक्षकाणां सम्मान:,विधे: मूलभावना, विशिष्टतायै मान्यता चेति अष्टभागेषु विभाजितं वर्तते ।

मयराष्ट्रे (मेरठे) चौधरीचरणसिंहविश्वविद्यालयस्य बृहस्पतिसभागारे उत्तरप्रदेशसंस्कृतसंस्थानमिति पक्षत: वसन्तपञ्चम्या: शुभावसरमभिलक्ष्य जनवरी-ऊनत्रिंश्यां बुधवासरे संस्कृतकविसमवाय:, छन्दोरचनाप्रशिक्षणकार्यशाला च समायोज्यताम। कार्यक्रमोSयं भागद्वये समनुष्ठित:। यत्र लघुबालकेभ्य: किशोरेभ्यश्च संस्कृते प्रचलितानि विख्यातानि छन्दांसि प्रशिक्षणपुरस्सरं पाठितानि। प्रशिक्षणावसरे स्वरलयतालयतततिगणबोधादिभि: साकं छन्दोगानविषये छात्रा: समीचीनतया प्रतिबोधिता:। येन छात्रेषु संस्कृतकाव्यलेखनस्य प्राचीनछन्दोबद्धविधानस्य अवगमनं भवेत्। ततश्च कमपि विषयमधिकृत्य छन्दोबद्धरचनां कर्तुं छात्रा: प्रोदीरिता:। भूरिच्छात्रै: विविधविषयेषु छन्दोबद्धरचनाश्चापि सम्प्रस्तुता:। तदनु एकवादने मध्याह्नभोजनानन्तरं कविसमवाय: समारब्ध:।