अमेरिकादेशीयो भारतीय-प्राच्यविद्या-चिन्तक:, वक्ता , विश्वस्मिन्नपि विश्वे भारतीयमनीषाया: प्रसारक:, प्राचीन-ज्ञानविज्ञान-संपोषक:, विश्रुतो लेखकश्च डॉ. डेविड फ्रॉली यो हि भारतीयजनै: वामदेवशास्त्रीति नाम्ना समाकार्यते। तस्य महामनीषिण: मन्तव्यमस्ति यत् वैदिक- ज्ञान-राशि: भारतस्य विश्वस्य च जनानाम् आध्यात्मिकचेतनाभिवृध्यै, ब्रह्माण्डगत-रहस्यानामवगमनाय, प्राण-वायोरभिवर्धनाय, पराचेतनायाश्च ज्ञान-विज्ञान-पद्धतिं सूक्ष्मतयाधिगमनाय सुतरां सहायकस्सेत्स्यति।
विश्वस्मिन्नपि विश्वे संस्कृतविद्याया: प्रसाराय निरतोSस्त्ययं विद्वान्
वामदेवशास्त्रीति नाम्ना विश्रुतोSस्त्यसौ भारते
डॉ. डेविड फ्रॉली इत्यामुना अमेरिकादेशीय अध्यात्मज्ञान-पिपासुजनेभ्य: भारतीययोगदर्शनस्य, वेदान्तदर्शनस्य चाद्भुत-निगूढ-तत्वानां सहजतया परिवेषणे नैजी तत्परता, कटिबद्धता च सविशेषम् प्रकटीकृतास्ति, येन कारणेन भारत-प्रशासनेन पद्मभूषण इत्यलङ्करणेनाप्यसौ भूरिमानितो वर्त्तते।